LibreOfficeDev Calc-en ezaugarriak
LibreOfficeDev Calc kalkulu-orrien aplikazio bat da, kalkuluak eta analisiak egiteko eta datuak kudeatzeko erabil dezakezu. Gainera, Microsoft Excel kalkulu-orriak inportatzeko eta aldatzeko ere balio du.
Kalkuluak
LibreOfficeDev Calc-ek funtzioak dauzka, estatistika eta banku-jarduerako funtzioak besteak beste, eta funtzio horiekin formulak sor ditzakezu datuekin kalkulu konplexuak egiteko.
Formulak sortzeko laguntza nahi baduzu, erabili Funtzioen morroia.
Baldintza-kalkuluak
Hainbat faktorez osatutako kalkuluetan, faktore batean egindako aldaketen eraginak berehala ikusteko aukera ematen du. Adibidez, mailegu-kalkulu batean epealdia aldatzeak interes-tasetan edo amortizatu beharreko kopuruetan zein eragin duen ikus dezakezu. Gainera, taula handiagoak erabil ditzakezu aurretik definitutako agertokien bidez.
Datu-baseen funtzioak
Datuak antola, biltegira eta iragaz ditzakezu kalkulu-orrietan.
LibreOfficeDev Calc aplikaziora datu-baseetako taulak arrasta eta jaregin ditzakezu, edo LibreOfficeDev Writerreko gutun-inprimakiak sortzeko datu-iturburu gisa erabil dezakezu kalkulu-orri bat.
Datuak antolatzea
Klik gutxi batzuekin kalkulu-orria berrantola dezakezu hainbat datu-barruti erakutsi edo ezkutatzeko, barrutiak ezaugarri berezien arabera formateatzeko, edo subtotalak eta totalak bizkor kalkulatzeko.
Diagrama dinamikoak
LibreOfficeDev Calc-en kalkulu-orrietako datuak taula dinamikoetan aurkez ditzakezu, taula horiek automatikoki eguneratzen dira datuak aldatzen direnean.
Microsoft-eko fitxategiak irekitzea eta gordetzea
Excel fitxategiak bihurtzeko, edo bestelako hainbat formatutako fitxategiak irekitzeko nahiz gordetzeko erabil ditzakezu LibreOfficeDev iragazkiak.